أعلن العلماء في مركز بيتريسبرج للأبحاث
انهم توصلوا للقاح ضد الكورونا واثبت فاعليته بصورة مؤكدة على فئران التجارب وسموه
PittCoVacc
طيب ايه الجديد في الموضوع ده عن
الاكتشافات السابقة والتجارب اللي أعلنوا عنها عن اللقاح ضد فيروس كورونا ؟!
يفرق ايه اللقاح ده بالذات
عن غيره؟!
يفرق كتير الحقيقة:
1-
ده اول لقاء لفيروس
كورونا يتم تجربته فعليا على كائن حي و يثبت بصورة مؤكدة انتاجه اجسام مضادة قادرة
على الحماية من المرض،
كل اللقاحات لفيروس كورونا اللي ابتدينا
نجربها مؤخرا على البشر ممرتش بنفس التجربة دي على الحيوانات لضيق الوقت وتم
تخليقها معمليا، و اتجربت على البشر على امل انها نظريا تدي حماية من فيروس كورونا
و جدير بالذكر ان المركز ده انتج قبل كده
لقاح فعال ضد ال Mers corona و هو
اخد الفيروسات المميتة اللي بتنتمي لعائلة الكورونا و ثبت انه بيدي حماية لمدة سنة
على الاقل.
المركز استفاد من تجاربه السابقة على فيروسات السارس و الميرس في انه ينتج اللقاح ده بسرعة.
2- اللقاح
ده بيعتمد على جزيء بروتين موجود في فيروس الكورونا، و ده معناه حاجتين: المركز استفاد من تجاربه السابقة على فيروسات السارس و الميرس في انه ينتج اللقاح ده بسرعة.
• سهولة
و سرعة انتاجه عكس اللقاحات المخلقة جينيا، فنقدر نتتج منه كميات كافية في وقت
قصير
• و كمان ان آمن
على البشر عكس اللقاحات اللي بتستخدم الفيروسات المضعفة "الفيروس نفسه بس مضعفينه بطرق معينة بحيث يكون قادر على تنشيط جهاز المناعة من غير ما يسبب العدوى" 3- اللقاح ده ممكن يتخزن في درجة حرارة الغرفة العادية ومش بيحتاج ثلاجة و ده يعني سهولة تخزينه و نقله بين الدول لاستعماله حول العالم.
طيب يعني خلاص يا دكتور أحد العيال والراجل
وانزل افسحهم؟! اكيد لأ طبعا.
ان شاء الله اكيد العلم و الطب هيلاقوه
العلاج و اللقاح، المسألة مسألة وقت ان شاء الله مش اكتر،
ولغاية ما ده يحصل نحافظ على نفسنا و
نتبع اجراءات الوقاية السليمة و العزل المجتمعي عشان نعدي الموجة دي على خير،
اقولها تاني زي ما قلتها قبل كده، نحاول نعدي الفترة الحرجة دي بأقل الخساير، مش
عايزين نسمع عن ضحايا بالالاف ارجوكم.
نحافظ على نفسنا، واي موجات (لو حصلت)
بعد كده السيطرة عليها هتبقى سهلة ان شاء الله...
إرسال تعليق