جرثومة المعدة وكيفية علاجها والوقاية منها

غالبا معظم الناس عندهم جرثومة المعدة ومش عارفين

♦ س - إيه هي جرثومة المعدة ؟

- ج - دي عبارة عن بكتريا تدخل الجسم عن طريق الاكل والشرب وتفضل عايشه جوه القناة الهضمية بتاعتك . بيسموها الميكروب الحلزونى او جرثومة المعدة ( H.pylori ) ...

♦ س - هل منتشرة بين الناس ولا محدودة في ناس معينة ؟

- ج - منتشرة جدا بينا كلنا .. تخيل مثلا لو عددنا ٩٠ مليون في ٦٠ مليون معرضين للإصابة بيها ( حوالين تلتين السكان ) ..

 

♦ س - طيب هل تعمل قرحة مع كل الناس ؟

- ج - لا غالبا مش بتعمل مشاكل مع كل الناس لكن الناس اللي عندهم مشكلة في المعدة زي التهاب هتعملهم قرحة ...

 

♦ س - طيب بتدخل الجسم أزاي ؟

- ج - بتدخل مع الأكل والشرب ..

- الأكل اللي مش نضيف او اللي مش مطبوخ كويس يعنى ني شوية ولذلك بتيجي لمعظم الناس اللي يأكلوا من المطاعم خصوصا لو مطعم مش نضيف او الأكل مش مطبوخ كويس ...

- الشرب طبعا اللي مش نضيف وطبعا مصر المية بتاعتها ملأنه بكتريا عشان نظام الصرف عندنا داخل مع الري ومع الشرب ...

 

♦ س - طيب دخلت خلاص ها وبعدين بتعمل ايه في المعدة ؟

- ج - ممكن تفضل سنين في جسمك بدون مشاكل وطول الفترة دي واحدة واحدة تبدأ تهاجم بطانة المعدة والأمعاء وتعمل تآكل فيها زي جرح كده فلما المعدة بتاعتك تفرز حمض ال HCL اللى بيهضم الأكل يقوم يروح على المناطق المجروحة دي ويعمل قرحة معدة ...

 

♦ س - طيب لو انا عندي قرحة نتيجة جرثومة معدة هحس بإيه .

- ج - هتلاقى عندك ألم في بطنك ومعدتك فاضية وانت وانتي جعانة ولما تاكل وتاكلي الألم يخف شوية ويرجع ييجي تانى بين الوجبات ..

- دايما عندك انتفاخات وغازات ..

- دايما عندك تكريع ...

- تحسى وهتحس بغثيان وممكن ارتجاع ..

- وزنك هيقل فجأة بدون سبب ...

 

♦ س - ايه العلامات اللى اخاف منها الخطيرة ؟

- ج - لو في دم في الموضوع ..

- سواء دم في البراز احمر او البراز لونه اسود ..

- او لو رجعت ورجعتى دم ..

- او لو الالم على طول مش بيروح او حاسة بتعب شديد وتوهان .

 

♦ س - طلعت موجوده عندي ايه العلاج .

- س - غالبا العلاج بيكون كورس ١٧يوم

♦  - امتى اعمل تحليل اتأكد راحت ولا لأ ؟

- ج - بعد شهر من العلاج ..

 

♦ س - طيب هل في ادوية بتأثر على نتيجة التحليل ؟

- ج - ايوه المضاد الحيوى لو بتاخديه وبتاخده وروحت وروحتي عملت تحليل هيطلع سالب عشان كده قبل ماتروحى لازم توقفي المضاد الحيوى اسبوعين على الاقل قبل ماروح ...

 

Ahmed Shafek

Health Keepers

 #الترند (trends)